سألتك أنتى مين ***** جاوبتى بكلمتين
حلفتى ان اللى بيننا أول تجربة
رسمتى دمعتين ***** و عنيكى الكدابين
لعبة دور الوفية , الصافية , الطيبة
وسمعت حاجات كتيرة جاوبها لازم نفترق
ان أنتى قبلى سيبتى ألف قلب بيتحرق
سألتك عن ماضيكى فى أول الطريق
قولتيلى ماضى عادى قولتيلى كان بريء
و فضلت ماشى عايم فة بحرك الغريق
فى بحرك الغريق
كان حبك حب غالى كان واصل منتهاه
كان أقوى من الليالى كان أقوى من الحياه
مشوارى كان معاكى مش عارف أيه مداه
مش عارف أيه مداه
كدبتى فى القايق , هربتى من اللى فات
وفيتى بالدقايق , و خنتى بالساعات
قولتيلى بعدك أنت ماضيا كله مات
ماضيا كله مات
عرفتى توهمينى بالحب و بالحنان
عرفتى تملكينى خدتينى من الزمان
أديتلك عمرى كله , أديتلك الأمان
أديتلك الأمان
حاولتى تخدعينى بصورتك الملاك
حاولتى تكسرينى , هربت من الهلاك
قربت قلبى قللى حياتنا مش هناك
حياتنا مش هناك
هوايتك الخيانة وحب الانتصار
و دايما القوية فى لحظة الانكسار
وأخرة الضحية , برقية أعتذار
برقية أعتذار
لأنى طول حياتى مبحبش الخداع
لأنى حبى ليكى مسيره للضياع
مع أنى لسه عايزك , هفضل الوداع
هفضل الوداع
مش هقدر أبقى واحد متعذب ليل نهار
مش هحلم بالسعادة بعدين أعيش فى نار
هقرب النهاية , هنزل الستار
هنزل الستار
هنزل الستار
هنزل الستار
موضوع: سألتك ......... 
الثلاثاء يوليو 28, 2009 6:40 am
[/img]